संवाहक नेपाल भाषा बुलेटिन ख्वपय् प्रेस मिट सेन्टर गठन

0
98

येँ महानगरया ‘पीक एण्ड ड्रप’ प्रभावकारी मजुल
दरबारमार्ग सामूहिक बलात्कार प्रकरण : कार्कीयात ५ दँ कैद, पीडित मिसायात ७ लख क्षतिपूर्ति
थौं बंगलादेशया राष्ट्रपतिया उच्चस्तरीय भेटवार्ता, बिहिवाः पोखराय् वनीगु
नेपाली कांग्रेस किपू नगर समितिं हिदान ज्याझ्वः याइगु
‘सनाखत’ संकिपाय् ख्यालिजुजु मदनकृष्ण श्रेष्ठया मू भूमिका
ख्वपय् प्रेस मिट सेन्टर गठन
ख्वप(नेपालभाषा टाइम्स)÷पत्रकारिता लागाय् दशकौं तक ज्या यानादीपिं थीथी अग्रज पत्रकारत जानाः नियमित अन्तर संवाद याना प्रत्यक्ष जनसवालयात जनमानसय् थ्यंकेगु ताः तयाः ख्वपय् जूगु पुलांपिं पत्रकारतय् मुँज्यां प्रेस मिट सेन्टर अफ भक्तपुर नांगु संस्था नीस्वंगु दु । ग्रेस मिडिया प्रा.लि.या संरक्षणय् थुकथं संस्था नीस्वनाः नियमित ज्याझ्वः यानावनेगु खँ ग्रेस एफ. एम.या प्रवन्ध निर्देशक व अध्यक्ष केशव लुइटेलं कनादिल ।
प्रेस मिट सेन्टर अफ भक्तपुरया संयोजक जीवबहादुर देउजा (बिजय बिस्फोट), सदस्य सचिब कृष्णराम किसी, दुजलय् संजीब दुलाल, कृष्ण प्रजापति, सुदिङ दोङ लामा, अनिल फोंजू व बिपना मुस्याख्वाः च्वनादीगु दु । वइगु मंसीर ५ गते बिहिवाः संस्थाया औपचारिक उलेज्या नापं उकुन्हु हे ख्वपया मूख्य राजनीतिक दलया उम्मेदवारत दुथ्याकाः न्हापांगु अन्तक्र्रिया ज्याझ्वः ग्रेस एफ एमपाखें प्रत्यक्ष प्रशारण यायेगु यानाः यायेत्यंगु दु ।
०००
येँ महानगरपालिकां येँया तिंख्यः जःखः क्षेत्रय् न्ह्याकूगु सार्वजनिक सवारीसाधनं यात्रु पिया च्वनेमदइगु ‘पीक एण्ड ड्रप’ ज्याझ्वःया प्रभावकारिता न्यून खनेदूगु दु । येँ महानगरपालिकां वंगु पुष १ गतेनिसें तिंख्यः जःखः भद्रकाली, रत्नपार्क, शहीदगेट, आरएनएसी व जमलय् न्ह्याकूगु उगु ज्याझ्वःया प्रभावकारिता अतिकं न्यून खनेदूगु खः ।
ज्याझ्वः न्ह्याःगु दच्छि ई फुइत्यंबलय् सवारी चालकपिं ट्राफिक प्रहरीया मिखा छलेयानाः सवारीसान दिकाः यात्रु पिइगु प्रवृत्तिइ कमी जुइमफुत । गुकिया हुनिं जामया समस्या गथे खः अथेहे खनेदूगु दु । थःगु गन्तव्यय् थ्यंकेत ताःहाकःगु ईतक पियाः च्वनेमालीबलय् यात्रुपिन्त नं सास्ती व चालकं नं ताःई छगू हे थासय् ई फुकीबलय् ट्राफिक जामलिसे। ईया बर्बाद जुइगु जुयाः येँ महानगरपालिका। थुगु कथंया व्यवस्था याःगु खः ।
‘पीक एण्ड ड्रप’ ज्याझ्वलं जामया समस्या म्हो जूगु दु । थुकिया पूर्ण रुपं कार्यान्वयन जुइगु नितिं ई काइगु येँ मनपाया प्रवक्ता ईश्वरमान डंगोलं धाःगु दु । येँया नुगःचु कथं कयातःगु थुगु क्षेत्रय् सार्वजनिक सवारीसाधन। यात्रु पियाः ताःई च्वनीबलय् सवारी पियाच्वंपिं यात्रु, न्यासी जुइपिं यात्रु व लकसय् तकं प्रदूषित जुइगु जूगुलिं थुगु कथंया व्यवस्था यानागु प्रवक्ता डंगोलं धाःगु दु ।
ज्याझ्वः लागू जुइधुंकाः त्रिपुरेश्वरनिसें सुन्धारा, रत्नपार्क, भोताहिति लिसेंया थासय् सवारी जाम म्हो जूगु नं प्रवक्ता डंगोलया दाबी दु । नियमया पालना मयाइपिं चालक वा सहचालकयात कारवाही यायेगु जानकारी ब्यूसां नं इमिसं इमान्दारीपूर्वक नियम पालना याःगुलिं आःतक सुं नं कारवाहीलय् मलाःगु नं येँ महानगरपालिकां धाःगु दु ।
स्वनिगः दुने संचालन जुइगु ताःहाकःगु व चीहाकःगु दूरीया सवारीसाधन उगु थासय् लामबद्ध जुइबलय् पैदलयात्रुपिन्त तकं समस्या जूगु यात्रुपिनिगु गुनासो दु । यात्रु न्यासी जुइगु थासय् नं सवारी हे दिकातइगु खः । ज्याझ्वः सुरुआतीया चरणय् येँ मनापाया प्रमुख विद्यासुन्दर शाक्यं थुज्वःगु व्यवस्था स्वनिगःया मेमेगु थासय् नं लागू यायेगु जानकारी ब्यूसां नं न्ह्याकूगु थासय् तकं प्रभावकारी कार्यान्वयन जुइमफयाः थुखेपाखे ध्यान बिइफयाच्वंगु मदु ।
येँय् कलंकी, बालाजु चोक, चाःबही चोक, कोटेश्वर, सातदोबाटो, माइतीघर, थापाथली लिसेंया थासय् वयेवने याइबलय् नागरिक। जामया समस्या भोगेयाइगु न्हूगु मखु । न्हिथं घण्टौं जाम सहयानाः नागरिक थःगु ज्याय् वनेत बाध्य जुयाच्वंगु दु । उलि जक मखु, आपालं थासय् न्यासी जुइपिं यात्रुया निति। लँपु पार यायेत आकाशे पुल मदुसा दूगु जेब्रा क्रसिङ्ग नं स्पष्ट खनेमदु ।
वंगु साउन महिनाय् हे येँ महानगरपालिकां च्यागू थासय् स्थानान्तरण यायेफइगु आकाशे पुल निर्माण यायेगु तयारी याःसां नं उगु ज्यां आःतक गति कायेफयाच्वंगु मदु । येँ मनपा दुने थ्यंमथ्यं १४५० किलोमिटर पक्की सतक दु । येँ मनपायात च्यागू मिटरसिबें म्हो चौडाईया सतक जक मर्मतसम्भार यायेगु अधिकार दु । वसिबें च्वय् च्वंगु सतकय् ज्या यायेत सतक विभागलिसे सहकार्य यानाः ज्या यायेमाः ।
येँ महानगरपालिका दुने च्यागू मिटटरसिबें म्हो चौडाइया सतक ९५० किलोमिटर दु । महानगर दुने ६२ मिटर चौडाईया सतक तकं दु ।

दत्या न्ह्यः येँया दरबारमार्गय् च्वंगु होटल ल्याण्डमार्कय् जूगु सामूहिक बलात्कार प्रकरणया मू अभियुक्त शैलेश कार्कीयात न्यादँ व निला कैद सजाय न्यंकूगु दु ।
जिल्ला अदालत, येँया न्यायाधीश कमलप्रसाद पोखरेलया इजलासं पीडित मिसायात ७ लख तका दां क्षतिपूर्ति बिइमाःगु नं फेसला याःगु दु । कार्कीं थः पीडित धाःम्ह मिसाया मतिनामि धकाः धाःगु खः ।
तर, वया हे ग्वाहालिइ काभ्रेया दीपक श्रेष्ठ व सिन्धुपाल्चोकया विकास गौतमं नं सामूहिक बलात्कार याःगु अभियोग लाःगु खः । अदालतं श्रेष्ठ व गौतमयात १४ महिना कैद सजाय न्यंकूगु दु ।
इमित मुलुकी ऐन कथं सजाय न्यंकुगु अदालतया छम्ह अधिकारीं धाःगु दु । छाय् धाःसा घटना जूगु इलय् मुलुकी अपराध संहिता लागू जुइधुंकूगु खः ।
प्रकरणयात साममुम यायेत महानगरीय प्रहरी वृत्त दरबारमार्गया तत्कालीन डिएसपी तिलक भारतीय व प्रहरी निरीक्षक लक्ष्मणसि।ह ठकुरीं भूमिका म्हितूगु सार्वजनिक जुइधुंकाः थ्व प्रकरण चर्चाय् वःगु खः ।
इमित छानविन यायेत तत्कालीन एसपी रामदत्त जोशीया नेतृत्वय् समिति दयेकूगु खः ।
येँ प्रहरी परिसर टेकुं याःगु अनुसन्धान लिपा सरकारी वकिल ज्याकुथिं कार्कीलिसें स्वम्हविरुद्ध २०७५ जेठ ४ गते मुद्दा दर्ता याःगु खः ।

प्यन्हुया निति। सदभावना भ्रमणया नितिं नेपाः वःम्ह बंगलादेशया राष्ट्रपति मोहम्मद अब्दुल हमिद बुधवाः उच्चस्तरीय भेटवाताृय् व्यस्त जुइगु जूगु दु । वय्कलं थौं बुधवाः समकक्षी नेपाःया राष्ट्रपति विद्यादेवी भण्डारीलिसे भेटवार्ता याइगु जूगु दु ।
थौं बुधवाः सनिलया ४ ता इलय् शीतल निवासय् जुइगु शिष्टाचार भेटय् थःथवय् हितया विषयस सहलह जुइगु परराष्ट्र मन्त्रालयं जानकारी ब्यूगु दु ।
राष्ट्रपति नापलाये न्ह्यः बुधवाः सुथय् १०ः१५ ता इलय् राष्ट्रियसभाया नायः गणेशप्रसाद तिमल्सिनायात नापलाःगु खःसा ११ः१० ता इलय् नेकपा नायः प्रचण्डयात नापलाःगु खः ।
अथेहे, थौं बुधवाः हे न्हिनय् २ ता इलय् नेपाली कांग्रेसया सभापति शेरबहादुर देउवां राष्ट्रपति हमिदयात वय्कः च्वनादीगु हे होटल म्यारियटय् थ्यंकाः भेटवार्ता याइगु जूगु दु ।
अथेहे, थौं बुधवाm हे न्हिनय् २ः४० ता इलय् प्रधानमन्त्री केपी शर्मा ओलीं व ३ः१५ ता इलय् उपराष्ट्रपति नन्दबहादुर पुन पासाङं राष्ट्रपति हमिदलिसे भेटवार्ता याइगु ई क्वःछ्यूगु दु ।
भेटवार्तालिपा राष्ट्रपति हमिद वय्कःया सम्मानय् ग्वसाः ग्वइगु रात्रीभोजय् सहभागी जुयादी । हमिदया सम्मानय् राष्ट्रपति विद्यादेवी भण्डारीं दरबारमार्गय् च्वंगु होटल याक एण्ड यतिइ सनिलया ६ः३० ता इलय् रात्रीभोजया ग्वसाः ग्वःगु दु ।
राष्ट्रपति हमिद बिहिवाः हेलिकप्टरपाखें पोखरा वनीगु ज्याझ्वः तयातःगु दु । येँपाखें १ ता इलय् पोखरा प्रस्थान यानादीसा हमिद वहे दिं ४ः३० ता इलय् येँय् लिहाँ वइगु ज्याझ्वः तयातःगु दु ।
राष्ट्रपति हमिद। शुक्रवाः सुथय् ११ ता इलय् चन्द्रागिरी व न्हिनय् १ ता इलय् यल दरबार स्क्वायर अवलोकन यानादी । वधुंकाः वय्कः शुक्रवाः हे थ्यंमथ्यं ५ ता इलय् स्वदेश लिहाँ झाइगु ज्याझ्वः तयातःगु दु ।
राष्ट्रपति हमिद प्यन्हुया नेपाः भ्रमणया नितिं मंगलवाः न्हिनय् ढाकां येँय् अवतरण याःगु खः । नेपाः थ्यने खतं वय्कल। ख्वप दरबार स्क्वायर अवलोकन यानादीगु खः । वधुंकाः वय्कः बंगलादेशया राजदूतं ग्वसाः ग्वःगु रात्रीभोजय् सहभागी जुइत बंगलादेश हाउस बाासबारीइ थ्यंकूगु खः ।
वय्कःयात त्रिभुवन अन्तर्राष्ट्रिय विमानस्थलय् लसकुस यायेत राष्ट्रपति विद्यादेवी भण्डारी थःहे थ्यंकूगु खः । बिदाई यायेत नं राष्ट्रपति भण्डारी हे वनीगु परराष्ट्र मन्त्रालयं जानकारी ब्यूगु दु ।

जनआन्दोलन २०४६ सालया ‘सर्वोच्च कमाण्डर’ सर्वोच्च नेता गणेशमान सिंहया १०५ क्वःगु बुदिंया लसताय् वृहत हिदान ज्याझ्वः जुइगु जूगु दु ।
किपूया ९ वडा नगां वनेगु दुपाः, तगःवपि न्हूबजारय् सुथसिया ८ ता ईनिसें न्ह्याइगु जानकारी ग्वसाः खलः नेपाली कांग्रेस किपू नगर समितिं ब्यूगु दु ।
कार्तिक ३० गते शनिवाः जुइगु उगु हिदान ज्याझ्वलय् सकलसित उपस्थितिया नितिं ग्वसाः खलकं इनाप याःगु दु ।

नेपालभाषा संकिपा ख्यलय् नांजाःम्ह निर्देशक व कलाकार लिसें नेवाः सुपरस्टार दाबेदार आर्यम नकःमिया निर्देशनय् निर्माण जुइगु संकिपा ‘सनाखत’य् ख्यालिजुजु मदनकृष्ण श्रेष्ठया मू भूमिका दइगु जानकारी मंगलवाः जूगु भिंसाइत ज्याझ्वलय् ब्यूगु दु ।
ए।एन। इन्टरटेन्टमेन्टया ब्यानरय् निर्माण जुइगु संकिपा ‘सनाखत’ भिंसाइत ज्याझ्वलय् बरिष्ठ हाँस्य कलाकार हरिबंश आचार्यं भिंसाइतया निर्देशन यानादीगु खःसा बरिष्ठ हाँस्य कलाकार निर्देशक सन्तोष पन्तं क्लाप ब्यूगु खःसा हिरो धीरेन शाक्यं नैक्याय् तःछ्याःगु खः ।
अथेहे, उगु भिंसाइत ज्याझ्वलय् ख्यालिजुजु मदनकृष्ण श्रेष्ठ व बरिष्ठ नृत्यांगना व कलाकार नारायणदेवी प्रधानं अभिनय यानादीगु खः ।
सामाजिक वियोगान्त बाखंया लिधंसाय् निर्माण जुइगु संकिपा ‘सनाखत’या सुटिङ्ग ज्याझ्वः थ्वहे वाःया दुने जुइगु जानकारी संकिपाया निर्देशक व निर्माता आर्यम नकःमिं जानकारी ब्यूगु दु ।
आर्यम नकःमिलिसें नेपाली संकिपा बञ्जा गोपालकाजी कायस्थ व सपना शर्मा मंकाः कथं निर्माता जुयादीगु संकिपा ‘सनाखत’या बाखं लक्ष्मण राजवंशीं च्वयादीगु दुसा संकिपा नेपालभाषा व खस नेपाली भाषां निर्माण जुइगु जानकारी नं ब्यूगु दु ।
संकिपा ‘सनाखत’या नितिं एनआरएनया नं लगानी दइगु जानकारी भिंसाइत ज्याझ्वलय् ब्यूगु दु । बेलायतय् च्वनाच्वंम्ह कलाकार मनिषकुमार श्रेष्ठ व अमेरिकाया नेवाःतय्गु संस्था वर्ल्ड नेवाः अर्गनाइजेशनपाखें नं संकिपा निर्माणया नितिं आर्थिक ग्वाहालि जुइगु जानकारी बिसें संकिपाया निर्माता निर्देशक आर्यम नकःमिं संकिपा ख्यालिजुजु मदनकृष्ण श्रेष्ठया लिसें नारायणदेवी प्रधान, धीरेन शाक्य, सविन शाक्य, मनिषकुमार श्रेष्ठ, रविन्द्र खड्का, अर्णेश्वरी शिल्पकार, सुनिता ठाकुर, मदनदास श्रेष्ठ, राजाराम पौडेललिसें मेमेपिं कलाकारपिनिगु मू भूमिका दइगु जानकारी बियादीगु दु ।
निर्माण जुइत्यंगु संकिपा ‘सनाखत’या भिंसाइत येँया सासा ब्यांक्वेटय् कार्तिक २६ गते मंगलवाः जूगु खः ।

नेपालभाषा संकिपा ख्यःया नांजाःम्ह निर्देशक कलाकार लिसें छम्ह म्येहालामि रविन्द्र शाही ‘आरबी’ स्वाहानं कुतुंवयाः तच्वकं घाःपाः जूगु दु ।
भाजु शाही सोमवाः बहनी थःगु छेँया स्वाहानं कुतुंवयाः घाःपाः जूगु खः ।
ख्वपया सूर्यविनायकं सोमवाः बहनी मध्यपुर थिमिया मगर गामय् च्वंगु थःगु छेँय् लिहाँ वंम्ह रविन्द्र शाही ‘आरबी’ आकाझाकां स्वाहानं कुतुं वंगु खःसा अथे कुतुंवनाः तच्वकं घाःपाः जूगु खः ।
घाःपाः जूम्ह निर्देशक कलाकार व म्येहालामि रविन्द्र शाही ‘आरबी’या आः ख्वप थिमिया मध्यपुर अस्पतालय् वासः जुयाच्वंगु दु ।

बाँकेया कोहलपुर निवासी चूडामणि शर्मा छेँय् ग्यास ग्या मुयाः मनूत घाःपा जुगु दु ।कोहलपुर न्युरोड गोलपार्क छेँ दुम्ह शर्माया छेँय् ग्यास ज्वयाः पिने वने मफयेवं थथे मुगु खँ इलाका प्रहरी कार्यालय कोहलपुरया प्रमुख प्रहरी नायब उपरीक्षक हेमबहादुर शाहीं जानकारी ब्यूगु दु ।वयकःया कथं झ्याः खापा बन्द जुयाः ग्यास पिने वने मफयेवं थथे मुगु खः । थुगु घटनाय् छम्ह मनू घाःपा जुगु खँ प्रहरी धाःगु दु ।

नेपाली काङ्ग्रेसया सभापति लिसें पूर्वप्रधानमन्त्री शेरबहादुर देउवां सडकय् जुलुस यायेवं देय्या भूभाग लित काये मफइगु खँ धाःगु दु ।
नेपाली काङ्ग्रेस प्रदेश नं ३ या ६ जिल्लाया महाधिवेशन प्रतिनिधितय्त प्रशिक्षण बिइगु ज्याझ्वःया उलेज्या यासें वयकलं उगु खँ धयादिगु खः ।
नेपाः भू भागया बिबाद अन्त्यया नितिं वयकलं कूटनीतिक पहल यायेमाःगु बिचाः नं प्वंकादिगु दु ।
देउवां कालापानी नेपाःया भूभाग जुगु व कालापानीयात कयाः थःपिन्सं थ्वया न्ह्यः नं न्ववाये धुंनाःगु खँ तयादिसें कालापानीया भूभाग एक इन्च नं मत्वःतिगु प्रतिबद्धता प्वंकादिगु खः ।

भारत लिसे सीमा स्वाःगु रौतहटया मठिया प्रहरी चौकीइ सोेमवाः न्हिनय् भारतीय नम्बरया मोटरसाइकलय् वःपिं निम्हेस्यां बम प्रहार याःगु दु । उमिसं प्रहरी चौकीइ सुतली बम प्रहार याःगु खः । सुतली बमया छर्रां लानाः सेन्ट्री पोस्टय् च्वनाच्वंम्ह प्रहरी जवान रन्जित यादवया म्हछिं घाः लाःगु दु । घाःपाः जूम्ह प्रहरी जवान यादवया अवस्था सामान्य जूगु खँ प्रहरीं धाःगु दु ।
मोटरसाइकलया लिउने च्वनावःम्ह चन्दनकुमारयात दशगजा क्षेत्रय् प्रहरीं ज्वंगु दुसा मोटरसाइकल चालक धाःसा भारतीय सीमा लिसे स्वाःगु बस्तीपाखे बिसिउँ वंगु खँ प्रहरीं धाःगु दु । प्रहरी चौकी छाय् आक्रमण याःगु खँयात कयाः ज्वंम्ह चन्दनकुमारयात न्यने कने यानाच्वंगु दु । मठिया चौकी भारत लिसे सीमा स्वाःगु क्षेत्रय् लाः । भारतीय सीमा घटनास्थल स्वयां छगू किलोमिटर जक ताःपाः ।

https://sambahak.com/wp-content/uploads/2019/05/gyalmu-jee-ko-badai.png
Loading...