संवाहक नेपालभाषा बुलेटिन टोखा खड्गी युवा समाजया बुदिं स् संकिपा ‘थःम्ह म्हूगु गाः’ क्यन

0
100

कृष्ण प्रजापति
ख्वप । कालापानीपाखें विदेशी फौज चिइकेगु जुइगु प्रम ओलीया अभिब्यक्ति ।
० एनआरएनं सीमा अतिक्रमणविरुद्ध ८० देसय् दुतावासय् ज्ञापनपौं बीगु ।
० शिक्षामन्त्रीं नेपाःया सीमा मिचेयाःगु बारे भारतीय मन्त्रीया ध्यानाकर्षण ।
० पार्किङ यानातःगु ट्रकय् मोटरसाइकलया ठक्कर, निम्ह सित ।
टोखा खड्गी युवा समाजया खुदँ बदिंया लसताय् शनिवाः टोखाय् जूगु छगू तःजिगु ज्याझ्वलय् नेपालभाषाया संकिपा ‘थःम्हं म्हूगु गाः’ क्यनेज्या जूगु दु ।
टोखाया थःनेलाछि त्वालय् खुला रुपं क्यनेज्या जूगु उगु संकिपाया निर्माता सुरेश खड्गी खःसा निर्देशक रविन्द्र शाही खः ।
किशोर खड्गीया मू भूमिका दूगु थुगु संकिपाय् रुविना महर्जन, रवि महर्जनलिसेंया आपालं कलाकारपिनिगु अभिनय दुथ्याः ।
थ्वहे झ्वलय् शंकर खड्गीया चि–संकिपा ‘कुमति’या नापनापं रविन्द्र शाहीया चि–संकिपा ‘मू’ क्यनेज्या जूगु खः ।
ज्याझ्वलय् थीथी संकिपा क्यनेज्या लिसेलिसें थीथी कलाकारपिन्सं हुलाप्याखं ब्वज्या याःगु खःसा थीथी म्येहालामिपिन्सं म्ये हालाः न्यंकूगु खः । ज्याझ्वलय् यमन श्रेष्ठ, दर्शन शाही, सरस्वती मानन्धर, सानुबाबु महर्जन व सुरज व्यञ्जनकारपिन्सं म्ये हालाः न्यंकादीगु खःसा सुजन बज्राचार्य व रुची शाक्यपिन्सं भैरव आर्य नृत्य व निशा खड्गीं आधुनिक हुलाप्याखं न्ह्यब्वःगु खः ।
मूपाहाँ टोखा नगरपालिकाया मेयर प्रकाश अधिकारीं त्वाःदेवाय् मत च्याकाः उलेज्या यानादीगु उगु टोखा खड्गी युवा समाजया खुदँ बुदिंया उलेज्या ज्याझ्वलय् ग्राण्डी अस्पतालया नायः दीपक कुँवर, नेपालभाषा संकिपाकःमिपिं किशोर खड्गी व बाशु शाहीया लिसेलिसें बरिष्ठ सिने पत्रकार विजयरत्न असंबरे, राष्ट्रिय खड्गी समाजया नायः मानबहादुर खड्गी, द ग्रेट मुखियापिं विशेष पाहाँ कथं झायादीगु खः ।
ज्याझ्वलय् टोखा खड्गी युवा समाजया नायः प्रेमकृष्ण शाहीया सभानायःसुइ न्ह्याःगु खः ।
०००
प्रधानमन्त्री केपी शर्मा ओलीं थःगु १ इञ्च भूमि नं नेपालं सुयात मिचेयाके मबिइगु धासें कालापानीपाखें सेना लितयंकेत भारतया आग्रह याःगु दु ।
प्रमुख विपक्षी नेपाली कांग्रेसं कालापानीबारे प्रधानमन्त्री छाय् न्वःमवात धैगु न्ह्यसः तयाच्वंगु इलय् प्रम ओलीं थ्व सरकारं विदेशी फौज लितछ्वयेगु तकं दाबी याःगु दु ।
नेकपाया भातृ संगठन राष्ट्रिय युवा संघ नेपालया न्हापांगु बैठकयात सम्बोधन यासें प्रधानमन्त्री ओलीं सरकार थःगु अतिक्रमित भूमि लितकायेत सक्षम जूगु धाःगु दु । प्रम ओलीं सीमाना आः वयाः मिचेमजूगु धासें थ्वसिबें न्ह्यःया शासकया कमजोरीया हुनितं मिचेजूगु भूभाग लितकायेत आःया सरकार सक्षम जूगु धाःगु दु ।
ओलीं राष्ट्रियताया पक्षय् फुक्क दल व जनता छप्पं जूबलय् सरकारयात अःपूगु धाःगु दु । तर सुं मनूतसें अतिरिक्त देशभक्ति क्यनेगु नामय् उछृङखल गतिविधि याःगु धासें प्रधानमन्त्रीं असन्तुष्टि प्वंकूगु दु ।
प्रम ओलीं धाःगु दु, “थुगु नामय् छुं उछृङ्खल गतिविधि खनेदत । गुलिसिनं थःत हिरो धायेकेत, अतिरिक्त देशभक्ति क्यनेगु ल्याखं थुज्वःगु गतिविधि याःगु दु । थुकिं समाधान जुइमखु । आःया सरकार नेपाली जनताया सरकार खः । देशभक्त सरकार खः । थ्व सरकारं १ इञ्च भूमि नं मिचेयाके बिइमखु ।”
झीतः मेपिनिगु जमिन म्वाः धासें प्रधानमन्त्री ओलीं झीगु जमिनपाखें जलाखलां सेना लितयंकेमाः धकाः आग्रह यात । नेपालं शान्ति सेनापाखें विश्वय् हे शान्तिया पक्षय् नां कमेयाःगु धासें प्रम ओलीं जलाखलालिसे छुं तनाव विना संवादया माध्यमं सीमा समस्या समाधान यायेगु नं धाःगु दु ।
ओलीं धाःगु दु, “आःया सरकार संवाद याये मफूगु, खँ ल्हाये मफूगु थुज्वःगु सरकार मखु । इतिहासं क्यनेधुंकूगु दु । थ्व सरकार राष्ट्रिय हितया पक्षय् दनेफु व ल्वायेफु । फुक्कसित आग्रह यानाच्वना, सरकारं संवादया माध्यमं सीमा समस्याया समाधान याइ ।”
प्रधानमन्त्री ओलीं भारतं लिपांगु इलय् सार्वजनिक याःगु नक्सा सचे जक यानाः मज्यूगु तकं प्रष्ट याःगु दु । गुलिखे मनूतसें नक्सा सचेयायेमाः धकाः आन्दोलन यानाच्वंगु धासें ओलीं धाःगु दु, “नक्सा ला प्रेसय् छापेयायेबलय् सचे यायेज्यू । झीपिं थःपिनिगु भूमि लितकायेगु पक्षय् दु, विदेशी फौज चिइकेगु पक्ष दु । झीपिं उगु ज्याय् सक्षम जू । नक्सा सचे यायेगु खँ हे मखु ।”
प्रम ओलीं नेपाःया खँ आः अन्तर्रा्ष्ट्रिय मंचय् ब्वलंगु धासें राष्ट्रियताया पक्षय् सरकार दृढ दनागु हे हुनिं नेपाःया गरिमा अप्वःगु धाःगु दु ।
ओलीं छुं दँ न्ह्यःतक राष्ट्रियताया पक्षय् सरकार जूगु धयागु मृगतृष्णा जुइ धासें आः नेपाः उगु अवस्थाय मदूगु नं धाःगु दु ।
प्रधानमन्त्री ओलीं धाःगु दु, “नेपाःया गरिमा अप्वःगु दु । महत्वं जाःगु शक्ति राष्ट्र प्रमुखया भ्रमण मदिक्क जुयाच्वंगु दु । इतिासय् थथे मजुइगु खः । आः नेपाःया खँ न्यनेदयाच्वंगु दु ।
०००
प्रधानमन्त्री केपी शर्मा ओलीं थःगु १ इञ्च भूमि नं नेपालं सुयात मिचेयाके मबिइगु धासें कालापानीपाखें सेना लितयंकेत भारतया आग्रह याःगु दु ।
प्रमुख विपक्षी नेपाली कांग्रेसं कालापानीबारे प्रधानमन्त्री छाय् न्वःमवात धैगु न्ह्यसः तयाच्वंगु इलय् प्रम ओलीं थ्व सरकारं विदेशी फौज लितछ्वयेगु तकं दाबी याःगु दु ।
नेकपाया भातृ संगठन राष्ट्रिय युवा संघ नेपालया न्हापांगु बैठकयात सम्बोधन यासें प्रधानमन्त्री ओलीं सरकार थःगु अतिक्रमित भूमि लितकायेत सक्षम जूगु धाःगु दु । प्रम ओलीं सीमाना आः वयाः मिचेमजूगु धासें थ्वसिबें न्ह्यःया शासकया कमजोरीया हुनितं मिचेजूगु भूभाग लितकायेत आःया सरकार सक्षम जूगु धाःगु दु ।
ओलीं राष्ट्रियताया पक्षय् फुक्क दल व जनता छप्पं जूबलय् सरकारयात अःपूगु धाःगु दु । तर सुं मनूतसें अतिरिक्त देशभक्ति क्यनेगु नामय् उछृङखल गतिविधि याःगु धासें प्रधानमन्त्रीं असन्तुष्टि प्वंकूगु दु ।
प्रम ओलीं धाःगु दु, “थुगु नामय् छुं उछृङ्खल गतिविधि खनेदत । गुलिसिनं थःत हिरो धायेकेत, अतिरिक्त देशभक्ति क्यनेगु ल्याखं थुज्वःगु गतिविधि याःगु दु । थुकिं समाधान जुइमखु । आःया सरकार नेपाली जनताया सरकार खः । देशभक्त सरकार खः । थ्व सरकारं १ इञ्च भूमि नं मिचेयाके बिइमखु ।”
झीतः मेपिनिगु जमिन म्वाः धासें प्रधानमन्त्री ओलीं झीगु जमिनपाखें जलाखलां सेना लितयंकेमाः धकाः आग्रह यात । नेपालं शान्ति सेनापाखें विश्वय् हे शान्तिया पक्षय् नां कमेयाःगु धासें प्रम ओलीं जलाखलालिसे छुं तनाव विना संवादया माध्यमं सीमा समस्या समाधान यायेगु नं धाःगु दु ।
ओलीं धाःगु दु, “आःया सरकार संवाद याये मफूगु, खँ ल्हाये मफूगु थुज्वःगु सरकार मखु । इतिहासं क्यनेधुंकूगु दु । थ्व सरकार राष्ट्रिय हितया पक्षय् दनेफु व ल्वायेफु । फुक्कसित आग्रह यानाच्वना, सरकारं संवादया माध्यमं सीमा समस्याया समाधान याइ ।”
प्रधानमन्त्री ओलीं धाःगु दु, “नेपाःया गरिमा अप्वःगु दु । महत्वं जाःगु शक्ति राष्ट्र प्रमुखया भ्रमण मदिक्क जुयाच्वंगु दु । इतिासय् थथे मजुइगु खः । आः नेपाःया खँ न्यनेदयाच्वंगु दु ।
०००
नांजाःम्ह फिल्मी कलाकार सुनिल थापा हाकनं छक्वः बलिउड संकिपाय् खनेदइगु जूगु दु । बलिउड सुपरस्टार सलमान खानया प्रोडक्सन हाउसं निर्माण जुइगु संकिपा ‘क्वाथा’य् सुनिल थापाया अभिनय स्वयेदइगु जूगु दु ।
‘क्वाथा’ संकिपाय् अभिनय यायेगु नितिं थःत अफर वःगु सुनिल थापां जानकारी ब्यूगु दु । संकिपाय् अभिनयया विषयस मौखिक सहमति जूसां नं लिखित सम्झौता मजुनिगु कलाकार थापां धाःगु दु । सुनिल थापां धाःगु दु, “उगु संकिपाय् थःगु रोल यःगुलिं ज्या यायेत राजी जुयागु दु ।”
सुनिल थापाया कथं थःत भारतया मणिपुर राज्यया छम्ह मुखियाया भूमिकाय् म्हितेत अफर वःगु खः । लुमंकेबहःजू, नेपाली कलाकार सुनिल थापां म्हितादीगु ‘मेरी कोम’ संकिपा नं भारतया मणिपुरया हे परिवेशया संकिपा खः ।
भारतीय अभिनेत्री कट्रिना केफया केहेँ इसाबेल केफं डेब्यु यायेत्यंगु ‘क्वाथा’ संकिपाय् सलमान खानया जिलाजं आयुष शर्माया मू भूमिका दइगु जानकारी ब्यूगु दु ।
करण भुटानीया निर्देशनय् निर्माण जुइगु संकिपा ‘क्वाथा’या छायाँकन जनवरीनिसें न्ह्याइगु धाःगु दु ।
नेपाली कलाकार सुनिल थापां ‘मेरी कोम’य् बक्सिङ्ग गुरुया मू भूमिकाय् म्हितूगु खःसा थापां पुलांगु हिन्दी संकिपा ‘एक दुजे के लिए’लिसें आपालं हिन्दी संकिपा म्हितूगु दु ।
०००
भारतं आः नकतिनि सार्वजनिक याःगु विवादित राजनीतिक नक्साय् नेपाःया भूभाग कालापानी, लिपुलेक व लिम्पियाधुरायात थःगु यायेधुंकाः हलिंन्यंकंया गैरआवासीय नेपालीं विरोध याःगु दु ।
नेपाल सरकारं भारतीय पक्षपाखें जूगु सीमा अतिक्रमणविरुद्ध प्रभावकारी कूटनीतिक पहल मयाःगु गुनासो वयाच्वंगु इलय् हलिंन्यंकंया नेपालीपिन्सं भारतीय अतिक्रमणया कडा रुपं विरोध याःगु खः ।
हलिंन्यंकंया नेपालीपिनिगु मंकाः संगठन गैरआवासीय नेपाली संघ (एनआरएनं) संस्थागत रुपं हे भारतया उगु पलाःया कडा खँग्वलं आलोचना याःगु दु ।
भारतीय पक्षं जूगु सीमा अतिक्रमणविरुद्ध न्ह्यःने वःगु एनआरएनं थःगु मातहया ‘राष्ट्रिय समन्वय परिषद’यात भारतीय दूतावासय ज्ञापनपौ लःल्हायेत परिपत्र जारी यायेधुंकूगु दु ।
नेपाल व भारत सीमा विवादबारे भारतीय दूतावासय् ज्ञापनपौ लःल्हायेत राष्ट्रिय समन्वय परिषदयात परिपत्र जारी यायेधुनागु एनआरएनया महासचिव डा. हेमराज शर्मां जानकारी ब्यूगु दु ।
थ्यंमथ्यं ७० लख गैरआवासीय नेपालीया प्रतिनिधित्व यानाच्वंगु एनआरएनया आः ८० गू देसय् राष्ट्रिय समन्वय परिषद दु ।
थःगु अनुकूलता स्वयाः सम्बन्धित देसया राष्ट्रिय समन्वय परिषदं वहे देसय् च्वंगु भारतीय दूतावासय् ज्ञापनपो लःल्हायेगु कथं परिपत्र जारी यानागु डा. शर्मां धाःगु दु ।
संघं एनसीसीयात परिपत्र जारी यायेन्ह्यः नायः कुमार पन्तं भारतं सार्वजनिक याःगु न्हूगु नक्साय् नेपाःया भूभाग कालापानी, लिपुलेक व लिम्पियाधुरायात थःगु भुभागया रुपं क्यंगुलिं थःपिनिगु गम्भीर रुपं ध्यानाकर्षण जूगु खँ तया छगू विज्ञप्तिपाखें जानकारी ब्यूगु खः ।
०००
शिक्षा, विज्ञान व प्रविधिमन्त्री गिरिराजमणि पोखरेलं नेपाली सीमा मिचेयाःगु विषयस भारतीय मन्त्रीया ध्यानाकर्षण याकूगु दु ।
सरकारं कुटनीतिक कुतःपाखें सीमा विवाद मिलेयायेगु धयाच्वंगु इलय् शिक्षामन्त्री पोखरेलं भारतीय मान संशाधन विकासमन्त्री रमेश पोख्रियाल निशांकयात नापलानाः आः सार्वजनिक याःगु नक्साबारे असन्तुष्टि प्वंकूगु खः ।
मन्त्री पोखरेलया स्वकीय सचिव विनोद न्यौपानें फ्रान्सया पेरिसय् जुयाच्वंगु संयुक्त राष्ट्रसंघीय शैक्षिक, वैज्ञानिक व सांस्कृतिक संगठन (युनेस्को)या ४० क्वःगु महासभा बैठकया झ्वलय् मन्त्री गिरिराजमणि पोखरेलं भारतीय समकक्षीलिसे नेपाः व भारतदथुया सीमा विवादबारे ध्यानाकर्षण याकूगु जानकारी ब्यूगु दु ।
स्वकीय सचिव न्यौपानेया कथं मन्त्री पोखरेलं कूटनीतिक पहलपाखें सीमा विवाद समाधान यानाः स्वापू बल्लाकेत भारतीय समकक्षीयाके आग्रह याःगु दु ।
मन्त्री पोखरेलं सीमा समस्या समाधान यायेत याःगु आग्रहरस भारतीय मन्त्रीं छु प्रतिक्रिया बिल धैगु बारे धाःसा शिक्षामन्त्रीया सचिवालयं छुं प्रष्ट याःगु मदु ।
नापलाये ज्याय् निगू देशया मन्त्री दथुइ गुणस्तरीय शिक्षाया विकास लिसेंया विषयस नं सहलह जूगु धाःगु दु ।
०००
कञ्चनपुरया कृष्णपुर नगरपालिका–२, वाण िबजारलिसक्क मोटरसाइकल दुर्घटना जुयाः उकी च्वनावःपिं निम्ह मनू सीगु दु ।
‘अन टेस्ट’ मोटरसाइकल सतकय् पार्किङ यानातःगु ट्रकय् ठक्कर नयाः शनिवाः बहनी १० ता इलय् दुर्घटना जूगु खः ।
दुर्घटनाय् मोटरसाइकलय् च्वनावःपिं कृष्णपुर नगरपालिका–३ या २४ दँया दिनेश राना व २० दँया सुनिल राना सीगु इलाका प्रहरी ज्याकुथि झलारीया प्रहरी निरीक्षक नैनसिंह साउदं जानकारी ब्यूगु दु ।
दुर्घटनाय् घाःपाः जुपिं निम्हेसित वासः यायेगु नितिं सेती अंचल प्रादेशिक अस्पताल धनगढी यंकूगु खः । तर, चिकित्सकपिन्सं इमित बचेयाये मफुत ।

Loading...
SHARE
Previous articleचाँगुपत्र डिजिटल भर्सनमा
Next articleसुडालमा काँग्रसको घरदैलो २० भन्दा बढि पार्टी प्रवेश