वंगु नेपाल संवत् ११३९ चिल्लागा अमाइ (२०७५ चैत्र २२ गते) शुक्रवाः थःगु देहत्याग याना बिज्याःम्ह संघनायक भिक्षु अश्वघोष महास्थवीर नेपाःया हे आःतक दुपिं मध्ये दकले थकालीम्ह भिक्षु खः ।
बौद्ध विद्धान लिसें अखिल नेपाल भिक्षु महासंघया पुलांम्ह नायः अश्वघोष महास्थवीर आनन्दभूमि व धर्मकीर्ति बौद्ध पत्रिकाया सम्पादक नं खः ।
वसपोलया बुद्धधर्म सम्बन्धी आःतक सच्छि व न्यय्गुलिं मल्याक्क सफूत पिदंगु दु ।
स्वीस्वदँ न्ह्यः तछलागा त्रयोदसिया दिं अबु चन्द्रज्योति शाक्य व मां लक्ष्मीमाया शाक्यया कोखं यलया ओकुबहालय् वसपोल भिक्षु अश्वघोष महास्थबीर जन्म जुयाः बिज्याःगु खः ।