बौद्ध विद्वान भिक्षु अश्वघोष महास्थवीरया अन्तिम संस्कार थौं शोभाभगवतीया कर्ण दीपय् क्वचाःगु दु ।
वंगु शुक्रवाः मदुम्ह संघनायक भिक्षु अश्वघोष महास्थवीरयात अन्तिम दर्शनार्थ येँया धल्कोया संघाराम विहारय् बिज्याकातःगु खः ।
थौं आइतवाः वसपोलयात प्रधानमन्त्री केपी शर्मा ओली, उर्जामन्त्री वर्षमान पुन, नेपाली कांग्रेसया महामन्त्री प्रकाशमान सिंहलिसें थीथी पार्टीया नेतात झाया अन्तिम श्रद्धाञ्जलि देछानादीगु खः ।
वसपोल भिक्षुया पार्थिव शरीरय् कार्यवाहक संघनायक भिक्षु ञानपुण्य, अथेहे, शिष्यपिं व थीथी संघसंस्थालिसें वसपोल भिक्षुया छेँजःपिन्सं दागबत्ती ब्यूगु खः ।
सरकारपाखें राष्ट्रिय सम्मान यासें सैन्य तुकडीं सलामी अर्पण याःगु खः ।