नेवाःतय्त सामाजिक, सांस्कृतिक, भाषिक, राजनैतिक रुपं सचेत यानाः न्ह्यःने यंकेगु ताःतुनाः नीस्वंगु नेवाः सचेतना सेवा समाज घोषणासभा शनिवाः येँय् झःझः धायेक क्वचायेकूगु दु ।
संस्थाया नायः अमीररत्न ताम्रकारया नायःसुइ न्ह्याःगु उगु ज्याझ्वलय् मूपाहाँ कथं डा. महेशमान श्रेष्ठ पाहाँ कथं सूर्यबहादुर नकःमि झायादीगु खः ।
नुगः खँ तयेगु झ्वलय् सामाजिक, आर्थिक, राजनैतिक हरेक कथं हे नेवाःत उत्पीदनय् लायेधुंकूगु अवस्थाय् थुगु संस्थां नां कथं नेवाःतय्त सचेत यासे त्वाःत्वालय् वनाः संगठित यानाः वनेमाःगु खँ मूपाहाँ डा. श्रेष्ठं कनादिल ।